Rasa deudeuh jeung kaheman, ayeuna kantun lamunan manteng dina sagara katunggaraan rasa
Asih urang nu pinuh ku sagara kabagjaan, kiwari jadi sagara tunggara nu pinuh ku lelewa tur kahoncewang marengan rasa.
Cinta urang ngahiyang di awang-awang, enteup dina ketipna bentang
Ngancik na kamalirna peting ,marengan linduhna bulan, ngupahan hate gudawang nu kaleleban
Duh…… Kakasih ati panutan kolbu, masih kagambar, waktos salira kedal ucap, karep renghap nyacapkeun ka teresna asih,nu Nyangsaya dina pangkonan, teuteup seukeut nembus jajantung Imut manis arum kalbu, pagulungan na pangrungrum,Jumerit maratan langit,ngoceak maratan mega neuteup salira nu pias sakujur tangtung
Teunyana imut salira, imut anu panungtungan nungkebkeun langit,nangkarakna jagat Di rangkul diambung, sasambat hujan cimata, pegat katresna
Salira teuing ku manis, nutup panon moho tibra salawasna
Titis tulis ti ajali,kadar tipangeran, asih urang dipisahkeun ku tali pasti,cinta urang di anggangkeun kuayana kadar.hirup hurip jeung patina,bagja tur cilakana eta kabeh kunu kawasa
Bral miang kakasih …..Ranggeuyan kadeudeuh,gagang kaheman, …. Kembang asih kembangna carita pileuleuyan kembang katresna narawangan
Muga pinanggih jeung bagja, kenging pinasti tigusti nu maha wening
Ditampi sucining sukma, naratas jalan nu nyacas manjing sawarga nu sampurna
Cinta katresna ka salira, milu miang ka alam nu endahkeur salawasna
by:dewon’s
